श्रृजना आचार्य
नेपालगन्ज,४ वैशाख– बांकेका रुख विरुवाले कति कार्वन ग्रहण गर्न सक्छन् होला ? जलवायु परिवर्तनले विश्वको ध्यान केन्द्रित गरिरहेको अहिलेको अवस्थामा यो प्रश्नले निकै महत्व राख्न सक्छ । वास्तवमा हाम्रा रुख विरुवा अहिलेको विग्रदो वातावरणीय परिवर्तनमा हामीलाई जोगाउन सक्षम छ छैन ? विश्व बातावरणलाई स्वच्छ राख्न हाम्रा भुमिमा भएका वोटविरुवाले कति प्रतिशत भुमिका खेलेको होला ?
यस्तै प्रश्नको जवाफ खोज्दै नेपाल र केहि विदेशमा समेत अनुभव संगालेका विज्ञ र विशेषज्ञहरु अहिले बांकेका जंगलमा घुम्दै छन् ।
बढ्दो कार्वनडाई अक्साईड (बायोमास) र त्यसलाई ग्रहणगर्न सक्ने जंगल तथा रुख बिरुवाको क्षमता पत्ता लगाउन बांकेका जंगलमा सर्भेक्षण सुरुभएको छ । बन अनुसन्धान बिभागले बांकेका जंगलमा भएका रुखको सख्या र अबस्था सर्भेक्षण गरी कार्वन ग्रहण गर्न सक्ने क्षमता पत्ता लगाउने राष्ट्रिय अभियान थालेको हो ।
फिनल्याण्ड सरकारको आर्थिक र प्राविधिक सहयोगमा संचालन गरेको राष्ट्रिय अभियानलाई सफल बनाउन नेपालमा पहिलो पटक आधुनिक विधि ‘लाइडर’ प्रविधि प्रयोगमा ल्याइएको छ । जसलाई ‘लाइट डिक्टेसन एण्ड रेन्जिङ्ग’ प्रविधि भनिन्छ ।
जसका लागि फिनल्याण्ड स्थित साझेदार संस्थाका अन्तराष्ट्रिय रिडार विज्ञ बशन्तराज गौतम, लाइडर प्रविधिविज्ञ हरि प्रसाद पोख्रेल, बन संरक्षण तथा अनुसन्धान विभागका अधिकृत बशन्त शर्मा र जिपिएस प्रविधिक विज्ञ सुजित कुमार झा लगायतको विज्ञ र विशेषज्ञहरु बांकेका जंगलमा रुखको गोलाई, घनत्व र रुखको गुणस्तर लगायतको अध्ययनमा ब्यस्त छन् ।
तराई र चुरे क्षेत्रका बनहरुको अध्ययन गरी कार्वन ग्रहण गर्न सक्ने क्षमता अध्ययनका लागि सुरु गरीएको सर्भेक्षणका क्रममा अहिले बांकेमा काम भइरहेको अन्तराष्ट्रिय रिडार विज्ञ बशन्तराज गौतमले बताए । देश भरीका तराई र चुरे क्षेत्रका अन्य जंगलमा पनि बांकेको जस्तै अन्य थप पांच समुहले सर्भेक्षण गरीरहेको विज्ञ गौतमले जानकारी दिए ।
हाम्रो मुलुकको जंगलले कति कार्वन ग्रहण गर्न सक्छन् भन्ने सर्भेक्षण नभएकाले अन्य ठुला मुलुकले उत्सर्गन गरेको कार्वनका कारण विग्रीएको बातावरणमा हामी पनि साझेदार बन्नुपर्ने अहिलेको अवस्था छ । तर यो सर्भेक्षण पछि कार्वन उत्सर्ग गरे वापत नेपालले अन्य मुलुकवाट लिन सक्ने लाभका विषयमा आवाज उठाउन राम्रो आधार हुन सक्ने विशेषज्ञहरुले बताएका छन् ।
त्यसका लागि आधार बनाउन सुदुर पश्चिमको कन्चनपुर देखि रौतहट सम्मको तराई र उत्तर चुरेको १० हजार स्क्वायर किलोमिटर क्षेत्रमा पर्न बन जंगलमा विशेषज्ञहरुको टोलीले सर्भेक्षण थालेको लाइडर प्रविधि विज्ञ हरि प्रसाद पोख्रेलले बताए ।
टोलीले यस अघि पहिलो चरणमा हवाई मार्गद्धारा सर्भे गरिसकेको छ । त्यसैको आधारमा अहिले दोस्रो चरणमा डीजीटल प्रबिधि द्धारा स्थलगत रुपमा प्लटीङ्ग गरेर बनको अवस्था अध्ययन गर्न थालिएको जिपिएस प्राविधिक सुजित कुमार झाले बताए ।
बांकेको बनको अवस्था अध्ययनका लागि कुशुममा प्रविधि सहितको वेस स्टेशन राखीएको छ । वेस स्टेशनसंग सहकार्य हुनेगरी बांकेका अन्य जंगल क्षेत्रमा रोवर स्टेशन स्थापना गरी रुखको अवस्था अध्ययन थालिएको झाले जानकारी दिए । ‘ति स्टेशनमा राखिएका प्रविधिले जंगलको अवस्था देखाउछ ’ झा ले भने ।
सर्भेक्षणका क्रममा पांच सेन्टिमिटर डायमिटर(गोलाई) भएका रुख देखि माथिका रुखको अभिलेख राखिएको छ’ विशेषज्ञ गौतमले भने–‘अध्ययन पछि प्राप्त नतिजाका आधारमा नेपालका जंगलले कति कार्वन ग्रहण गर्न सक्छन् भन्ने पत्ता लाग्छ । ’ अध्ययनका लागि बांकेको जंगललाई ८ प्लटमा विभाजन गरी सर्भेक्षण थालिएको हो । मुलुकभरीका जंगललाई चार देखि पांच हजार सम्मका नमुना प्लट बनाई अध्ययन थालिएको छ । सर्भेक्षण अवधिभर प्राविधिक र विज्ञहरुको टोली नमुना प्लटमै वेस स्थापना गरेर बस्ने भएका छन् ।
टोलीले एक महिना भित्र सर्भेक्षणको काम सम्पन्न गरी कात्तिक महिना भित्र प्रारभ्भिक नतिजा सार्वजनिक गर्ने जनाएको छ । सर्भेक्षणवाट प्राप्त भएको नजिताका आधारमा वातावरणीय सन्तुलन, बन संरक्षणका लागि सरकारलाई नीति निर्माणमा सहयोग पुग्ने सुझाव पेश गर्ने विज्ञहरुको जानकारी दिएका छन् । बन सर्भेक्षणका लागि फिल्याण्ड सरकारले आर्थिक र प्राविधिक सहयोग गरेको हो । फिल्याण्डको ५० करोड र नेपाल सरकारको ८ करोड लगानीमा सुरु भएको सर्भेक्षणमा डब्लु डब्लु एफले पनि सहयोग गरेको छ ।
Thanks Srijana ji, for this news. I appreciate your young, energetic and vibrant work in the Nepalese media sector. Keep it up!
ReplyDeleteBasanta
thank you basanta jee
ReplyDeletegood article.....srijana ji
ReplyDeletethank you madhu jee
ReplyDeleteThank you srijana ji for the article !!!
ReplyDelete